Analisti Agron Gjekmarkaj deklaroi se Rilindja sot ngjan me një kufomë politike në dyert e Bundestagut gjerman. Kjo për arsye sepse nuk ka plotësuar kushtet që kishte vendosur Gjermania, ndër të tjera edhe për shit-blerjen e votave.
I ftuar këtë mbrëmje në “Real Story”, Gjekmarkaj u shpreh se opozita do t’i rikthejë besimin qytetarëve, pasi, sipas tij ka evidentuar krizën, si dhe ka reaguar nëpërmjet protestave të organizuara.
“Unë besoj se opozita do që t’ju japë besim njerëzve. Edi Rama duhet të kishte rënë, por nuk ra sepse e mbajtën ndërkombëtarët. Opozita mendoj se ka evidentuar krizën, ka reaguar përmes protestave. Opozita ia doli që ta bëjë me dije këtë krizë në arenën ndërkombëtare. Nëntë kushtet e opozitës e kanë shndërruar Rilindjen në kufomë politike në portën e Brandenburgut. Mendoj se opozita do të dominojë lajmet, me strategjitë e saj”, deklaroi ai.
