Kryeministri Edi Rama u ka uruar shqiptarëve mirëmëngjesi me historinë e Denisit. Ai është një djalë jo si gjithë të tjerët. E themi këtë, pasi i riu është me aftësi ndryshe. Por, pavarësisht të gjithë vështirësive ai është një shembull frymëzimi dhe suksesi.
Me anë të një shënimi në “Facebook”, Rama shkruan: “MIRËMËNGJES ? dhe me historinë prekëse të Denisit, i cili falë edhe mbështetjes nga Bashkia e Përrenjasit, pasi shkruajti në Platformën e Bashkëqeverisjes është sot një shembull për t’u marrë nga të gjithë, ju uroj një fundjavë të qetë?”.
Ndërsa në video mesazh Denisi shprehet se:
“Një fakt duhet ta pranoj, jam ndryshe! Mësuesja nuk ka dashur të më pranojë për arsyen se kush do më mësojë të shkruaj. Për këtë gjë familja ime bëri shumë sakrifica. Babai im më mbajte dorën që të shkruaja. Por, rezultoi që shkrimi im të ishte i veçantë. Rezultoi të ishte bukurshkrim në fakt. Unë kam pasur rezultate shumë të mira. Pasi mbarova studimet e larta unë e ndjeja si detyrë që nuk duhej të më mbanin gjithmonë prindërit. Unë aplikova në platformën e bashkëqeverisjes”.
Në platformë ai shkruante: “Quhem Denis Hoxholli. Kam mbaruar studimet në Fakultetin e Ekonomisë në Elbasan. Kam bërë aplikime gjithë andej në sektorin publik dhe privat, por pa marrë asnjë përgjigje, qoftë dhe negative. Sa i përket kuadrit ligjorë për persona më aftësi të kufizuar jam shumë i informuar. Por, doja t’iu kërkoja ndihmë që të punësohem diku, sepse me trajtimin social nuk mundem të jetoj. Ju lutem më ndihmoni, sepse është diçka që më mundon shumë. Duan të jem i zoti i vetes”.
Por, brenda dy ditësh Denisi ka marrë përgjigje nga platforma e bashkëqeverisjes. Sot ai është punësuar në Bashkinë Përrenjas.
“Kjo është zyra ku unë punoj. Ambienti në të cilin kaloj pjesën më të madhe të kohës. Pozicioni im është specialit për persona me aftësi të kufizuar”, tha ai./TIRANA TODAY/
