Një grua që kishte ndërruar jetë u gjet të dielën në mëngjes në lagjen Ulpiana në Prishtinë ndërkohë që policia vazhdon kërkimet për një grua tjetër, e raportuar e zhdukur në fshatin Mushnikovë të Prizrenit më 26 shtator.
Policia dhe Prokuroria në Prishtinë po hetojnë çfarë ka ndodhur me gruan që ndërroi jetë në Prishtinë ndërkohë që për gruan e raportuar të zhdukur në Prizren, vazhdon operacioni i policisë në bashkëpunim me banorët e zonës. Gruaja quhet Bozhidarka Gjorgjevic, e kombësisë serbe, rreth 69 vjeç. Policët që po marrin pjesë në operacionin për gjetjen e saj kanë pajisje speciale të kërkim shpëtimit në male.
