Shumë mungesa për Milanin: rossonerët, me një formacion të arnuar, largohen nga Europa League nga djajtë e Manchester United. Paul Pogba vendosi në fillim të pjesës së dytë: francezit iu deshën vetëm tre minuta në fushë për të vendosur fitoren dhe kualifikimin e djajve të kuq.
Pioli e mban Ibrahimoviçin në stol dhe mbështetet te Castillejo si një nëntë false, por spanjolli nuk arrin të shënojë. Pjesa e parë u mbyll pa ngjarje të mëdha dhe për Milanin 0-0 i pjesës së parë është një rezultat që do të thoshte kualifikim.
Solskjaer fut Pogbanë në fushë në fillim të pjesës së dytë dhe pas vetëm tre minutash francezi ndëshkoi Donnarumman.
Një moment hutimi në zonën e kuqezinjve, mbrojtësit e Milanit nuk arritën të pastrojnë topin dhe ish-juventini përfitoi, duke mposhtur portierin në shtyllën e tij.
Pioli fut dhe Ibrahimoviçin në fushë për sulmin përfundimtar: suedezi provon me kokë por Henderson thotë jo.
Mbaron 0-1: për Milanin është fundi i garës evropiane, Roma mbetet e vetmja italiane e përfshirë akoma në një kompeticion kontinental.
