Shqipëria U21 dhe moshatarët e tyre nga Bjellorusia, luajnë sot një miqësore në “Elbasan Arena”. Trajneri Alban Bushi ka grumbulluar shumë lojtarë të rinj, për të provuar emra të rinj në këtë moshë, për të përgatitur një grup sa më cilësor për eliminatoret e ardhshme të Shpresave. Më minutën e 30’ miqtë kanë kaluar në avantazh duke përfituar nga një gabim amatoresk në mesfushën e kuqezinjve.
Barazimi dukej se do të vinte shumë shpejt duke parë rreziqet e shumta që vinin nga Seferi, Shefiti apo Çinari. Në minutën e fundit të pjesës së parë është pikërisht një shpërthim perfekt i Seferit në krah dhe në qendër të portës përfiton mjaft mirë Shefiti i cili shënon me shumë klas.
Formacioni i Shqipërisë: Kastrati; Nuriu, Toli, Tafa, Bushaj; Krymi, Spahiu, Shabani, Seferi; Çinari, Shefiti. Trajner: Alban Bushi
