Asensio: Nuk e imagjinoj dot të luaj pa atë

Real Madrid prite që të ketë shumë ndryshime në këtë merkato vere. I pari që bëri divorcin pas një suksesi të jashtëzakonshëm ishte trajneri Zinedine Zidane. Por të njëjtën gjë ka shprehur edhe Cristiano0 Ronaldo, i cili pas finales së Champions League vuri në dyshim vazhdimin tek “los blanchos”. Tani që iku edhe Zidane pritet që CR7 të jetë më i vendosur.Marco Asensio nuk e imagjinon dot Real Madridin pa Cristiano Ronaldo-n pasi portugezi vuri në dyshim qëndrimin e tij në fund të finales së Champions League. “Do të flasim në të ardhmen. Ka qenë bukur të luaja për Real Madrid,” ishin fjalët e CR7 në fund të sfidës së fituar 3-1 ndaj Liverpool. Komentet e tij kanë tronditur dhomën e zhveshjes, njëri prej lojtarëve më të prekur është talenti spanjoll Asensio.“Nuk e imagjinoj dot të luaj pa të,” shprehet ai për Marca. “Cristiano ka qenë një pjesë shumë e rëndësishme për ne te Real.” Ai më pas flet edhe për largimin e papritur të Zinedine Zidane. “Vendimi i Zidane na kapi të papërgatitur, por eksperienca ime me të ka qenë shumë e mirë. Ai kishte shumë besim tek unë.”