Një person i pajetë u gjet pasditen e sotme në liqenin e Seferanit në Bashkinë e Belshit.
Policia bën me dije se viktima është shtetasi me inicialet E.H 25 vjeç, banor i lagjes “Hysaj” Belsh.
Mësohet se 25-vjeçari kishte shkuar për të gjuajtur peshk me kallama në liqenin e Seferanit. Trupi i pajetë i të riut është dalluar në liqen rastësisht nga një kalimtar i cili ka sinjalizuar policinë.
Dyshohet se viktima duhet të ketë pësuar infarkt, pasi trupi i tij është gjetur fare pranë bregut të liqenit në thellësinë 1 metër.
Njoftimi i plotë i policisë:
Në liqenin e Belshit nga shërbimet e policisë është gjendur i mbytur shtetasi E.H., 25 vjeç, banues në Belsh.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.
