Ministrja e Kulturës Elva Margariti, së bashku me ambasadorin e Delegacionit të BE-së në Tiranë Luigi Soreca, kanë qenë pjesëmarrës në Krujë në prezantimin e projektit të restaurimit të muzeut Etnografik.
Margariti ka thënë se projekti vjen si një mbështetje për Krujën, që ka filluar kohë më parë dhe do të vazhdojë në të ardhmen, me një vizion të qartë për shtuar funksionet dhe potencialet e fjetura drejt zhvillimit të qëndrueshëm të trashëgimisë kulturore-historike.
“Është radha e Muzeut Etnografik të restaurohet dhe rijetësohet me mbështetjen e European Union in Albania, duke u kthyer në magnet për turizmin vendës. Bashkë me ambasadorin Soreca inspektuam fillimin e punimeve dhe në fund të këtij viti, ky muze do të ketë një tjetër imazh dhe tjetër impakt në atë zonë”.
Teksa ka vlerësuar fillimin e punimeve për restaurimin e muzeut Etnografik, në Krujë, ajo ka shtuar më tej se ky është një nga sitet më të rëndësishme historike të vendit, që u dëmtua nga tërmeti i vitit 2019.
