Sajmir Çullhaj, i dyshuari kryesor për dërgimin transit të armëve që u kapën në aeroportin e Rinasit, është njohur me masën e sigurisë.
Gjykata e Krimeve të Rënda vendosi masën “arrest me burg” për 32-vjeçarin. Megjithatë, ky i fundit ka mohuar akuzat, duke u shprehur se pakon ia dha një mik dhe nuk e dinte cfarë kishte brenda saj.
“Përmes mikut tim me emrin Tani, që më tha se do çonte pako në Britani, shkova tek DHL për të dorëzuar pakot. Nuk e dija se çfarë kishte brenda pakos, unë shkova me makinën e tij te DHL për të dorëzuar pakot. Kur më arrestoi policia, mora vesh që në ato pako kishte armë,” ka thënë Çullhaj.
