Ish Presidenti Bujar Nishani, është i mendimit se grupet kriminale nuk kontrollojnë vetëm Shkodrën, por edhe qytete të tjera. Ai sqaron se aktiviteti i tyre është i përqëndruar kryesisht në vrasje, grabitje, gjobëvënie dhe trafik të lëndëve narkotike.
Ky koment vjen përmes një statusi në rrjetet sociale, ku ai shkruan se krimi i organizuar është tashmë partner politik i qeverisjes të së majtës.
Vlen të theksojmë këtu se më herët, partitë opozitare zhvilluan mbledhjen e tyre të parë për këtë sesion parlamentar në qytetin e Shkodrës, duke u solidarizuar me qytetarët, të cilët ndihen të braktisur dhe frikësuar, për shkak të 6 vrasjeve të tipit mafioz në 3 muajt e fundit, ku nuk është zbuluar asnjë autor.
