Ka nisur sot puna për verifikimin e dëmeve në zonat e përmbytura në Fier pas reshjeve të dendura të shiut që mbuluan të gjithë vendin.
Verifikimi do të bëhet nga Bashkia e Fierit, teksa në terren janë 5 grupe verifikimi që do të shkojnë në çdo familje për të vlerësuar dëmet.
Grupet e verifikimit të dëmeve përbëhen nga inxhinierë ndërtimi, përfaqësues nga njësitë administrative, përfaqësues të Emergjencave Civile, të bashkisë si dhe kryeplaku i fshatit.
Secili grup verifikimi do të mbajë dokumentacionin përkatës, ndërsa afati për përfundimin e verifikimit të dëmeve nga përmbytjet është brenda ditës së premte.
