Sot nis zyrtarisht procesi për zgjedhjen e Kreut të ri të Shtetit. Pavarësisht se në media përfliten shumë emra, ende nuk ka dalë një emër si kandidat potencial për të drejtuar Presidencën në pesë vitet e ardhshme.
Pritet që në orën 12:30 të mblidhet Konferenca e Kryetarëve. Mes të tjerash, gjatë diskutimeve të përcaktohet data e raundit të parë të votimit për zgjedhjen e Presidentit. PS ka propozuar datën 10 maj për raundin e parë, ndërsa PD nuk është shprehur ende.
Palët kanë mundësi të votojnë një emër konsensual deri në raundin e 3-të, në të kundërt mazhoranca mund ta zgjedhë e vetme me 71 vota në dy raundet e fundit.
