Kryetarja e Komunës së Tetovës, Teuta Arifi ka njoftuar nisjen e rikonstruksionit të shkollës fillore “Rexhep Voka” në Brodec.
Sipas Arifit, infrastruktura shkollore është një nga prioritetet e mandatit qeverisës, ndërsa u zotua se investimet në shkolla do të vazhdojnë edhe në vijim.
Arifi ka postuar foto të rikonstruksionit të kësaj shkolle në Facebook, teksa shkruan:
“Një nga prioritetet e mandatit tonë qeverisës ishte sigurisht edhe infrastruktura shkollore.
Pas përmirësimit të cilësisë arsimore, ndryshimit të politikave regjistruese sipas meritokracisë, forcimit të shkollave profesionale, dhe investimin profesional në kuadrin e mësimdhënsve investojmë edhe në infrastrukturën shkollore.
Gjatë këtij mandati pothuajse kemi investuar në çdo objekt shkollorë, duke transformuar dukshëm kushtet për nxënësit tanë.
Do të vazhdojmë në kontinuitet të investojmë në çdo shkollë.”
