Ka nisur puna në terren për pastrimin e zonave të prekura nga tërmeti prej 6.4 ballësh i mëngjesit të së martës.
Mësohet se ditën e sotme ka nisur puna në një prej hoteleve të shembur në Durrës. Bëhet fjalë për hotelin ‘Vila Verde’, një ndërtesë 4 katëshe në zonë e plazhit, e cila rrezikon edhe ndërtesat e tjera aty pranë.
Pasojat e tërmetit të 26 nëntorit kanë qenë të tmerrshme, pasi me qindra banesa në vendet e prekura janë shpallur të pabanueshme. Mijëra qytetarë janë strehuar në çadra provizore apo në hotelet dhe ambientet e tjera të siguruara nga bashkia dhe jo vetëm.
Kujtojmë se bilanci i këtij tërmeti vajti në 51 viktima dhe mbi 900 të plagosur, të cilët po marrin trajtim shëndetësor.
