Qeveria e Çekisë ka marrë një vendim me rëndësi, pasi ka rimarë veten nga koronavirusi. Çekia do hap kufijtë, në kohën kur shumë shtete po përbellen me numrin në rritje të të infektuarve.
Qeveria e Çekisë tha të hënën se do të heqë kufizimet në transportin rrugor dhe hekurudhor ndërkombëtar, nisur nga data 11 maj. Çekia kishte ndaluar transportin ndërkombëtar që në datën 14 mars, për të frenuar COVID-19.
“Po i lehtësojmë kufizimet në transport. Kalimi i kufijve do të jetë i mundshëm me autobusë dhe trena”, tha ministri i Transportit i Çekisë, Karel Havliçek.
Po në 11 maj pritet që të hapen kinematë, parukeritë dhe qendrat tregtare. Po nga ajo datë do të lejohen edhe ngjarjet publike. Garat sportive do të lejohen po ashtu me numër të kufizuar ta audiencës. Çekia ka mbi 7.700 raste të konfirmuara me koronavirus dhe 251 viktima.
