Është liruar nga detyra Gjovalin Loka, drejtor i Sigurisë Publike në Policinë e Shtetit. Loka e mbante këtë detyrë që prej 15 shkurtit të vitit 2018, ndërsa më herët ka mbajtur edhe disa pozicione të tjera drejtuese, i fundit drejtor i DVP Shkodër.
Mësohet se Loka është liruar nga detyra, për shkak të ristrukturimit në Policinë e Shtetit. Tashmë pritet të emërohet në një post tjetër.
Ndryshimet në kupolën e Policisë së Shtetit u paralajmëruan edhe më herët nga Ministri i Brendshëm Bledi Cuçi dhe kryeministri Rama, pas ngjarjeve kriminale në vend.
