Në orët e para të ditës ka nisur aksioni për shembjet e banesave te “5 Maji”, ku dhe ka patur një përplasje të banorëve me policinë. Ky aksion është shoqëruar me tensione dhe përplasje mes banorëve dhe policisë.
Banorët e revoltuar kanë kundërshtuar prishjen e banesave, ndërsa ka pasur edhe rezistencë. Ata kundërshtojnë aksionin e IKMT, pasi sipas tyre, nuk ju është ofruar dëmshpërblim për banesat e tyre.
Banorët e “5 Majit” por jo vetëm janë ngritur në protesta që kundërshtojnë shembjen e banesave të tyre. Sot parashikohet që të shemben 12 banesa.
Banorët një zëri kërkojnë marrëveshje me qeverinë për banesat e reja, dhe dëmshpërblimin në proporcion të drejtë me pronat që kishin.
Banorët e ‘Majit’ kanë qëlluar me gurë në drejtim të efektivëve dhe punonjësve të IMT-së, të cilët kanë ndërhyrë për të shembur shtëpinë. Po kështu i kanë vendosur flakën një peme.
