Ministrja e Arsimit deklaroi sot, se nxënësit nuk do të përdoren për fushatë elektorale, edhe pse ky premtim nuk është mbajtur përgjatë fushtave elektorale të kaluara.
‘‘Gjithë fokusi i punës së shkollave, drejtuesve të arsimit, specifikisht mësuesve, është vetëm përmbyllja me sukses dhe realizimi i objektivave shkollore’’, u shpreh Nikolla.
Ministrja bëri një apel për të gjithë punonjësit e arsimit, që të denoncojnë rastet e përdorimit të fëmijëve në fushatën elektorale.
‘‘Të vijojnë me fokus kryesor përmbylljen me sukses të këtij viti shkollor. Nga ana tjetër, të denoncojnë çdo subjekt apo individ që bën presion për të përfshirë nxënësit apo mësuesit në fushata elektorale. Po ashtu, kategorikisht e ndaluar përdorimi i ambienteve shkollore për aktivitete politike’’, shtoi Nikolla.
