Ditën e sotme Tirana është zgjuar e ngrirë. Kjo për shkak të uljes së temperaturave në vend, gjë që ka shkaktuar ngricë në disa segmente rrugore në kryeqytet.
Madje, mësohet se segmenti Qafë–Kashar Rinas është bllokuar në të dy senset e lëvizjes si pasojë e ngricave në rrugë, të cilat përbëjnë burim aksidenti. Kështu, me qëllim shmangien e aksidenteve, lëvizja është devijuar në rrugën e vjetër Vorë-Rinas.
Edhe rruga e Farkës ka prezencë akulli, ndërsa apelohet që të bëhet kujdes edhe në rrugën e Dajtit.
Policia Rrugore ka shtuar shërbimet në rrugë për të ndihmuar dhe orientuar qarkullimin deri sa të normalizohet situata.
