Një 37-vjeçar ka rënë në prangat e policisë, pasi akuzohet për një vrasje. Shtetasi me inicialet F.D., ka thënë se për disa konflikte të mëparshme, dyshohet për konflikte pronësie, ka goditur me sende të forta duke i shkaktuar vdekjen shtetasit D.L.
Me marrjen e njoftimit se në rrugën “Haxhi Hysen Dalliu”, në oborrin e banesës shtetasi D.L., 61 vjeç, ishte gjetur pa shenja jete, policia ka nisur nga hetimet për zbardhjen dhe dokumentimin e plotë të rrethanave të ngjarjes.
Autori rezulton i dënuar më parë për Dezertim nga shërbimi Ushtarak.
Njoftimi i plotë:
Tiranë
Ndalohet një 37-vjeçar, për veprën penale “Vrasja”.
37-vjeçari i dënuar më parë për Dezertim nga shërbimi Ushtarak.
Shërbimet e Komisariatit të Policisë Nr.3, me marrjen e njoftimit se në rrugën “Haxhi Hysen Dalliu”, në oborrin e banesës shtetasi D.L., 61 vjeç, ishte gjetur pa shenja jete, menjëherë kanë organizuar punën për zbardhjen dhe dokumentimin e plotë të rrethanave të ngjarjes.
Specialistët për Hetimin e Krimit në Komisariatin e Policisë Nr.3, nën drejtimin e Prokurorisë, pas një pune të mirorganizuar dhe hetimeve instensive bënë të mundur zbulimin e ngjarjes, dhe kapjen e autorit të dyshuar shtetasin F.D., 37 vjeç, banues në Tiranë.
37-vjeçari e ka pranuar autorsinë dhe është shprehur se për disa konflikte të meparshme, dyshohet për konflikte pronësie, me vetëpërgjegjësi ka goditur me sende të forta duke i shkaktuar vdekjen shtetasit D.L.
Materialet do t’i referohen Prokurorisë së Rrethit Gjyqësor Tiranë, për veprime të metejshme hetimore.
