Ngjarja në QSUT/Historia e dashurisë së pamundur mes dy të rinjve

Kryeqyteti u trondit pasditen e sotme nga një ngjarje e rëndë.  Një i ri ka qëlluar me armë zjarri studenten e drejtësisë Ariela Murati 21 vjeç e cila ka ndërruar jetë në spital dhe më pas veten.

Ngjarja ka ndodhur para portës se Fakultetit te Mjekësisë, ndërsa autori Aldison Beluli 23 vjeç ka qëlluar edhe veten dhe ndodhet në gjendje të rëndë në spital.

Studentja me origjinë nga Berati, por që jetonte në një fshat të Fierit është qëlluar teksa po shkonte në shtëpinë e motrës së saj në Tiranë. Paraprakisht dyshohet se shkak për ngjarjen e rendë ishte kërkesa për lidhje, e refuzuar nga vajza.

Aldison Beluli 23 vjeç nga Fieri ka qëlluar për vdekje me armë zjarri studenten e Juridikut, pasi vajza ka refuzuar kërkesën për lidhje dhe më pas veten. E reja është qëlluar me disa plumba, teksa po shkonte në shtëpinë e motrës së saj dhe ka ndërruar jetë në spital. Autori ndodhet në gjendje të rëndë në reaminacion.

Duket së shkak i kësaj ngjarje është mohimi i dashurisë. Aldison Belulaj i ka kërkuar disa herë Ariela Muratit për tu lidhur. Kjo e fundit e kishte refuzuar gjithmonë. Pavarësisht insistimit të 23-vjeçarit, studentja nuk e kishte pranuar lidhjen e dashurisë. Aldison Belulaj nuk e pranonte dot faktin e refuzimit dhe mesditën e së dielës ka marrë një pistoletë të llojit “Beretta” dhe e ka qëlluar me dy plumba Ariela Muratin. Më pas Aldison Belulaj, student i infermierisë ka qëlluar edhe veten.

Dy të rinjtë kanë qenë nxënës të shkëlqyer në shkollën e mesme “Sotir Kapo” në Zharrez të bashkisë Patos. Mësohet se para një jave Aldison Beluli është grindur me familjarët për këtë çështje, pasi ata i kanë kërkuar që të mos e shqetësonte më Ariela Muratin.

Krimi i rendë ka tronditur me dhjetëra qytetarë, të cilët i kanë parë të shtrirë dy të rinj tek dera e fakultetit të mjekësisë.