Punonjësi i tretë i Bashkisë Mat, që u plagos sot në Shëlli, ka ndërruar jetë. Kështu, ka shkuar në 3 numri i viktimave nga ngjarja e sotme që ndodhi në mesditë.
Shtetasi Kujtim Koxha, është konfliktuar më parë me disa punonjës të Bashkisë. Pas konfliktit, ai është larguar e ka marrë armën automatik dhe ka qëlluar në drejtim të tyre, në një lokal.
Nga të shtënat mbeti i vdekur në vend njëri pre punonjësve, shtetasi M.H, ndërsa tre të tjerët u plagosën, por Erzen Alija ka ndërruar jetë gjatë transportit për në spitalin e Traumës.
Mësohet se shtetasi B. Buçi, i cili u transportua për në Tiranë, ndërroi jetë para pak minutash. I plagosuri tjetër, Astri Hani, po mbahet në spitalin e Burrelit, ku po merr ndihmën mjekësore.
