Një punonjësi bamirës në kryeqytet, i cili u burgos në Shqipëri për 12 vjet mund të lirohet javën e ardhshme. Menaxheri i jetimores David Brown u burgos për abuzimin e fëmijëve në vitin 2006 pavarësisht se ka hedhur poshtë çdo akuza të bërë-shkruan Tirana Today
Sipas informacioneve nga miqtë e tij, dita e hënë pas një seance dëgjimore mund të ofrojë shpresë të re ndaj Brownit, pasi ka shërbyer në 3/4 e dënimit në një burg famëkeq të Tiranës.
“Unë sapo mora një e-mail nga avokatja e Davidit, Gjystina”-ka deklaruar miku i tij, Ralf Kellett-Smith. “Në fund të muajit janar, ajo apeloi në gjykatë për lirim me kusht për Davidin pasi ai tani ka shërbyer më shumë se tre të katërtat e dënimit të tij”.
“Kjo është shumë e pazakontë për gjykatat shqiptare, ai tashmë e ka dëgjuar këtë. Ky është një lajm shumë i mirë”. Një rreth i ngushtë miqsh dhe familjarësh po shpresojnë dhe po luten për lajme të mira për ditën e hënë. Evening News raportoi vitin e kaluar si dy persona ishin të gatshëm të dëshmonin në Gjykatë.-shkruan Tirana Today.
Dy peronat tani 19 dhe 23 vjeç, ishin përgatitur të jepnin dëshmi të reja, por Gjykata e Krimeve të Tiranës mori më pak se pesë minuta për ta hedhur poshtë, sepse Brown ishte ende në burg. Andon Qoshli, tani 23 vjeç, tha se Broën është i pafajshëm, ndërsa Denis Aliu,19 vjeç, tha se atij i është dhënë dhurata nga një psikolog për të dëshmuar.
Brown punoi me fëmijë për 35 vjet në Skoci dhe ishte kryetar i Panelit për Fëmijë. Ai erdhi në Shqipëri në vitin 2000 për të ndihmuar refugjatët që iknin nga Kosova, e cila ishte e shkatërruar nga lufta, para se të krijonte një jetimore për fëmijët e braktisur.
Dhjetë djem, të moshës midis katër dhe 13 vjeç kanë dëshmuar në polici se ata janë abuzuar seksualisht nga disa britanikë në jetimore në vitin 2006. Në disa raste, fëmijët pohonin se ishin lidhur në ballkon dhe më pas janë përdhunuar. Ish-kolegët e Brown, Dino Christodoulou, 52 vjeç, dhe Robin Arnold, 63 vjeç, u dënuan me 35 vjet. Brown ka ulur dënimin duke shërbyer në një burg në Tiranë. TIRANA TODAY
