Historia është e mbushur me historitë e njerëzve të famshëm, që harxhuan pa mend të gjithë pasurinë e tyre, përmes një stili ekstravagant jetese, duke mos pasur thuajse asgjë kur ndërruan jetë. Ja cilat janë disa nga rastet më të bujshme:
Semi Dejvis Xhunior (1925–1990)
Ishte një shoumen legjendar në SHBA. Aktor i shkëlqyer në Broaduej dhe në film. Një balerin dhe këngëtar, që e kapërceu diskriminimin racor të viteve 1950, duke qenë edhe anëtar i bandës muzikore të Frenk Sinatrës. Por edhe pse fitoi rreth 50 milion dollarë gjatë karrierës së tij, kur vdiq nga kanceri në fyt më 16 maj 1990, Dejvis kishte mbi 15 milion dollarë borxhe.
Xho Luis (1914–1981)
Ishte kampion i boksit në peshat e rënda në vitet 1937-1949, mbretërimi më i gjatë në historinë e boksit në këtë kategori. Pavarësisht nga të ardhurat prej 4.6 milionë dollarësh në total nga ndeshjet, Luis mori vetëm rreth 800.000 dollarë, nga të cilat shumë u shpenzuan për dhurata për miqtë dhe familjen, donacione për ushtrinë amerikane, dhe në investime të këqija në biznes. Vdiq nga një arrest kardiak më 12 prill 1981, pas abuzimeve me kokainën.
Xhudi Garland (1922–1969)
Ishte aktorja e famshme për rolin e saj si Doroti Gejl në filmin e vitit 1939 “Magjistri i Ozit”, por jeta e saj personale ishte një paradë e gjatë dështimesh financiare dhe në jetën private.
Ajo nuk kishte pamjen tipike magjepsëse të një dive Hollivudi, gjë që i detyroi producentët të ndryshonin shumë pamjen e saj. Kjo i shkaktoi depresion dhe abuzime me qetësuesish. Vret veten nga një mbidozë ilaçesh, pas 2 martesave të dështuara, dhe e mbytur në borxhe.
Xhorxh Best (1946–2005)
Gjestet teknike të Xhorxh Bestit me Mançester Junajtid dhe Irlandën e Veriut Island, mbahen ende mend si më të mirat në analet e futbollit britanik. Një anësor natyral “gjenial”, Best ishte i famshëm për aftësinë e tij për të depërtuar në mbrojtjen e kundërshtarëve të tij. Karriera i siguroi plot 100 milionë dollarë, por siç e pranoi edhe vetë 90 për qind të parave i shpenzoi për gra, pije dhe makina të shpejta, dhe “pjesën tjetër e kam harxhuar kot”.
Fridrih Niçe (1844–1900)
Filozofi i diskutueshëm gjerman, ishte i famshëm për deklaratën e tij se “Zoti ka vdekur”, dhe për pohimin se morali tradicional ishte i vjetruar në botën moderne. Ai e bazoi filozofinë e tij alternative jo tek eupatia, por tek “vullneti për pushtet’ dhe “Mbinjeriu”. Ai pësoi një krizë nervore, dhe vdiq i varfër në një spital psikiatrik.
Vinsent van Gog (1853–1890)
Van Gog vlerësohet si një nga piktorët post-impresionistë më të mëdhenj në histori. Por pavarësisht se kishte prodhuar jo pak kryevepra, ai shiti vetëm një pikturë gjatë jetës së tij.
Kërkonte vazhdimisht ndihmë financiare nga familja. Piktori vuajti vazhdimisht nga depresioni, dhe vrau veten në korrik 1890, pa asnjë lek në xhep.
Oskar Uajlld (1854 – 1900)
Ishte një nga figurat letrare më të rëndësishme të shekullit XIX-të. Si poet dhe shkrimtar, ishte i famshëm për zgjuarsinë e tij. Por fshehtas, bënte një jetë të dyfishtë, duke u përfshirë në lidhje me shumë djem të rinj. Në vitin 1895, u padit në gjykatë për lidhjen me të riun Alfred Dagllas, dhe u dënua me dy vjet punë të rëndë. Pas lirimit, ra në depresion, dhe nuk mundi të shkruante dot si më parë. Vdiq më 30 nëntor 1900, në një hotel të dorës së dytë në Paris, i rrënuar ekonomikisht.
Edgar Alen Po (1809–1849)
Ishte një nga shkrimtarët e hershëm amerikanë më me ndikim në zhanrin e romanit thriller dhe horror. Por pavarësisht sukseseve, Po pati shumë vështirësi në sigurimin e jetesës. Ai u pushua nga puna në gazetën “Southern Literary Messenger” për shkak të personalitetit të tij problematik dhe varësisë nga alkoolizmi. Vdiq në rrethana misterioze në vitin 1849 në Baltimora.
Burimi i lajmit: https://www.wonderslist.com/famous-people-who-died-penniless/
Përshtatur nga Tirana Today
