Qytetarët që do udhëtojnë në vendet e BE-së, nga nesër nuk do të kenë nevojë për të aktivizuar paketat roaming, pasi do të ofrohet akses i lirë në internet.
Ngjarja historike inovative, vjen pasi Parlamenti Evropian, Këshilli dhe Komisioni arritën një marrëveshje politike për iniciativën WiFi4EU, ose WiFi për Evropën.
Financimi i kësaj iniciative do të mundësojë instalimin e pikave falas të internetit Wireless në një sërë komunitetesh lokale të shpërndara në vendet e BE, si sheshe, parqe, spitale dhe hapësira të tjera publike.
Sipas Presidentit të Komisionit Jean-Claude Juncker, kjo do të kontribuojë që “deri në vitin 2020 çdo fshat dhe qytet të ketë akses të lirë interneti në qendrat kryesore të jetës publike”.
Aktualisht një numë i konsiderueshëm i bashkive ofrojnë një shërbim Wireless falas, por një fond prej 120 milionë eurosh do të zgjeronte shtrirjen e internetit në 8 mijë bashki dhe komuna. Çdo bashki e interesuar për të marrë fonde, do të mund të aplikojë për grante përmes një procedure të thjeshtë./Tirana Today/
