Kryebashkiaku Erion Veliaj ka dhënë një lajm të mirë për të gjithë qytetarët, që në këto ditë të vështira përballen me epideminë COVID 19.
Kreu i Bashkisë së Tiranës, Erion Veliaj, njofton se duke nisur nga muaji mars, UKT do të pezullojë kamatëvonesat për abonentët.
“Në kuadër të masave për lehtësimin e gjendjes për qytetarët që preken nga situata e krijuar nga virusi #COVID19, UKT njofton se duke nisur nga muaji mars, do të pezullohen kamatëvonesat për abonentët. Pezullimi do të jetë në fuqi deri në një njoftim të dytë nga UKT!”, shkruan ai në një postim në Twitter.
???
Në kuadër të masave për lehtësimin e gjendjes për qytetarët që preken nga situata e krijuar nga virusi #COVID19, UKT njofton se duke nisur nga muaji Mars do të pezullohen kamatvonesat për abonentët. Pezullimi do të jetë në fuqi deri në një njoftim të dytë nga UKT! ?? pic.twitter.com/UlXCQhhwVy
— Erion Veliaj ?♂️?⚽️?? (@erionveliaj) March 19, 2020
Zyrtarisht në Shqipëri janë 5 raste të reja gjatë 24 orëve të fundit, duke e çuar në 64 numrin e të infektuarve me virusin COVID-19.
“Ju bëj me dije se, në 24 orët e fundit janë testuar 32 persona të dyshuar, prej të cilëve janë konfirmuar: Janë 5 raste të reja me COVID-19, 3 prej të cilëve shtetas italianë që ndodhen aktualisht në Shqipëri, një 80-vjeçar dhe një 42-vjeçar nga Kavaja”, tha drejtoresha e ISHP, Albana Fico.
32 pacientë janë të shtruar në Spitalin Infektiv. Nga këta, 3 mbahen në terapi intensive po asnjëri prej tyrë në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente.
