Kosova ka arritur një fitore historike përballë Azerbajxhanit të martën në mbrëmje, duke kaluar në fazat finale të Ligës së Kombeve. Padyshim ylli i mbrëmjes ishte sulmuesi i Heerevenit, Arbër Zeneli, i cili shënoi tre gola mjaft të bukur.
Por mesditën e djeshme gjyshi i Arbërit kishte ndërruar jetë, por futbollisti nuk ka qenë në dijeni. ‘Metro’ ka komunikuar me të afërmit e Zenelit nga Selaci i Mitrovicës, të cilët e kanë konfirmuar këtë lajm.
Vendimi i familjarëve për të mos i treguar ishte mjaft i vështirë, por ata nuk donin të ndikonin në formën e Zenelit, pasi kishte para një ndeshje mjaft të rëndësishme ku dhe tregoi se është më i miri. Varrimi i të ndjerit Zeki Zeneli është bërë sot në ora 12:00 në varrezat e Shipolit në Mitrovicë.
