Dita e parë e shkollës është parë me mjaft interes edhe nga klasa politike, e cila që në orët e para të ditës, ka vijuar me breshëri akuzash. Duke evidentuar të gjitha problematikat, janë demokratët ata të cilët nuk ndalen jo vetëm me monitorimin e shkollave, por demostrimin edhe përmes pamjeve. Deputeti demokrat Enkelejd Alibeaj, ka treguar se sot në ditën e parë të fillimit të shkollës, nxënësit janë pritur me këngë partizane.
Në videon e publikuar nga deputeti, dëgjohet kënga për partizanin e vogël Velo.
Bashkëngjitur videos, ai shkruan: “Pas 27 vitesh të rënies së komunizmit në Shqiperi, dita e parë e shkollës së fëmijëve fillon me këtë këngë partizane”.
