Shtatë emigrantë të paligjshëm shqiptarë janë ndalur në portin e Tyne në Britani. Ata janë zbuluar në portin e Tyne pasi arritën në një traget nga Amsterdami.
Shqiptarët mësohet se ishin të gjithë meshkuj të moshës 18 deri në 37 vjeç dhe u zbuluan nga oficerët e kufirit orët e para të së mërkurës, pasi kishin mbërritur me traget nga Amsterdami.
6 prej tyre u kthyen mbrapsht për në Holandë, ndërsa i 7-ti po hetohet nga Home Office.
Kjo pasi ky i fundit mësohet se kishte kërkuar azil, për këtë arsye u shoqërua në qendrat e emigrantëve derisa kërkesa e tij të procesohet nga autoritetet përkatëse.
