Policia Rrugore e Tiranës, prej orës 20.30 ka ushtruar kontrolle me Radar në segmentet dhe akset e cilësuara njolla të zeza, përsa i përket ngjarjeve rrugore të ndodhura më parë.
Raportohet se gjatë kontrolleve janë evidentuar shpejtësi që varionin nga 160 km/h deri në 190 km/h.
“Të pa pranueshme arsyet e drejtuesve të automjeteve të kapur nga Radari, për arsyet e fluturimit në rrugë, por cilado të ishte arsyeja, të tilla shpejtësi vrasin jetën në rrugë.
Për 240 minuta kontroll në të dyja kahet e lëvizjes, janë evidentuar dhe ndëshkuar 12 drejtues mjetesh të cilët qarkullonin me shpejtësi dy fish e më shumë se sa norma e lejuar”, thuhet në njoftimin e policisë.
Gjithashtu janë evidentuar dhe dërguar në OASH, 6 drejtues mjetesh për gara shpejtësise dhe manovra të rrezikshme në rrugë, të evidentuar në unazën e madhe nga patrullat në lëvizje të Policisë Rrugore.
“Drejtues mjetesh, qarkulloni brenda limiteve të lejuara që destinacioni juaj të jetë i sigurt, mos fluturoni se shpejtësia vret jetë”, bën apel policia.
