Zv/kryetari i Komunës së Preshevës, Reshat Neziri ka sjellë në vëmendje problemin e emigrimit për shkak të pamundësisë së punësimit të të rinjtë.
Në një tryezë të rrumbullakët të mbajtur në Preshevë, me temë rininë në komunën e Preshevës, Neziri tha:
“Punësimi është problem në nivel të tërë Republikës, por më i theksuar në komunën tonë të pazhvilluar. Presheva nuk ka kapacitete që të punësojë njerëz. Edhe pse qeverisja lokale mban përgjegjësi për gjendjen në komunë, thjesht ajo nuk mund të hapë vende të reja të punës. Njerëzit kanë filluar të emigrojnë për shkak të pamundësisë për tu punësuar”.
Gjithashtu, Neziri theksoi se njerëzit në Preshevë e kanë shumë të vështirë të punësohen nëse nuk janë anëtarë të një partie, duke shtuar se qytetarët detyrohen të anëtarësohen në parti për të gjetur një vend pune.
