Ylli brazilian ka kujtuar edhe njëherë atë episod të frikshëm në Botërorin 2014, që për pak e la të paralizuar. Në një intervistë për revistën “The Players Tribune”, të dhënë për ish-shokun e skuadrës te Barcelona, Gerard Pique, Neymar Jr kujton momentin më të keq në karrierën e tij. Në atë përballje me Kolumbinë, në çerekfinalet e Botërorit të vitit 2014, Neymar mori një goditje të fortë nga Zuniga në shtyllën kurrizore që rrezikoi ta linte atë jashtë botës së futbollit.
“Ai dëmtim ka qenë momenti më i keq i jetës sime. Ato ditë kam qarë pa pushim, kanë qarë madje edhe prindërit e miqtë e mi. E gjitha familja ime.”
Neymar shpjegon që ajo goditje e Zunigës për pak e la të paralizuar. “Nuk mund të ngrija as këmbët, nuk mund t’i lëvizja. Mjeku me prekte këmbët, por unë nuk ndieja gjë. Pas vizitave më të specializuara, mjeku më tha se do të ecja sërish, por për mua Botërori kishte përfunduar. Nëse goditja do të kishte qenë 2 centimetra më në krah, do të kisha mbetur i paralizuar.”
