Çmimi i “Topit të Artë” këtë vit ka krijuar shumë polemika dhe janë hedhur shumë emra, ku më i fundit është ai i Luka Modric. Kjo do të ishte një mbyllje cikli, pasi në 10 vitet e fundit ky çmim personal i ka takuar vetëm dyshes Ronaldo-Messi.
Në një intervistë për mikrofonat e Champions League sulmuesi i PSG, Neymar është përgjigjur në lidhje me tre pretendentët kryesorë sipas tij për të fituar këtë trofe. “Kush janë tre finalistët për ‘Topin e Artë’ sipas Neymar? Do thosha Cristiano Ronaldo, Messi dhe Mbappe”, është përgjigja e yllit të PSG.
Me këtë përgjigje Neymar ka përjashtuar dy emra që janë tepër të nxehtë për këtë trofe. I pari padyshim është Luka Modric, ndërsa tjetri është Antoine Griezmann.
