Neymar ishte lëvizja që bëri bujën më të madhe në merkaton që lamë pas, duke kaluar nga Barcelona tek PSG. Por sipas “La Parisien”, në kontratën që ka nënshkruar ylli brazilian me francezët ka shumë favore që nuk i gëzojnë yjet e tjerë të ekipit dhe kjo nuk është pritur mirë nga pjesa tjetër e ekipit.
Një detaj që vihet re në transferuat që luan PSG, është çanta ndryshe nga të tjerët, që mban Neymar. Ai mund të zgjedhë vetë markën dhe llojin e çantës, ndryshe nga pjesa tjetër e grupit që duhet të mbartin atë me logon e ekipit. Po ashtu braziliani ka në dispozicion dy fizioterapistë personalë dhe në stërvitje nuk lejohen ndërhyrjet e rrezikshme ndaj tij, pasi rrezikojnë dëmtimin. Gjithashtu është i shmangur nga detyrat mbrojtëse, ai është i lirë të lëvizë në fushën e lojës në disa pozicione, ndryshe nga pjesa tjetër që kanë pozicione statike.
Çështja e penalltive duket se do të marrë një zgjidhje vitin tjetër dhe ato do ti përkasin Neymar, kështu që ai nuk ka pse i ndanë më ato me shokët e skuadrës, shkruan “La Parisien”.
https://www.youtube.com/watch?v=frVi8wDCRIE&ab_channel=gElement
