Neymar kërkon ti bashkohet Realit, arsyeja Ronaldo

Real Madrid vazhdon të monitorojë situatën e Neymar te parisienët, pasi kërkon që gjatë verës të rrëmbejë yllin brazilian dhe ta sjellë në Madrid.thuhet se dëshira e Neymar është të rikthehet në Spanjë dhe pikërisht tek “mbretërit”, me një dëshirë të veçantë që të luaj përkrah Cristiano Ronaldos.Gjithashtu besohet, se Ronaldo nuk do të kishte asnjë problem të luante sëbashku me Neymarin. Ai e kupton se ardhja e mundshme e ish-sulmuesit të Barcelonës do të përmirësonte nivelin e skuadrës. Bisedimet po vazhdojnë për një përmirësim të pagës së CR7, kështu që kjo mund ta mbante lojtarin portugez të lumtur në një kuptim financiar, edhe nëse Neymar do të fitonte shumë të mëdha.Por kjo marrëveshje duket mjaft e vështirë, duke parë shumën që është derdhur nga PSG për ta marrë nga Barcelona, poashtu edhe fakti që drejtuesit e tyre nuk janë të interesuar që të fitojnë nga shitjet.Fakti që nuk ka klauzolë lirimi në kontratën e tij me kampionët e Ligue 1 e bën më të vështirë, kështu që duhet të studiohet një rrugëdalje. Ndërsa situata është e komplikuar, ajo që është e qartë është se gjestet që Neymar i ka bërë drejt Cristiano Ronaldo dhe Real Madridit në muajt e fundit kanë qenë pozitive dhe të shumta. Së pari, ka patur foto në mbrëmjen gala të FIFA-s, gjithashtu ka patur një përqafim mes dy lojtarëve në fushë të “Santiago Bernabeu” pas Champions League në ndeshjen e parë të 1/16 dhe tani ekziston dëshira e lojtarit për të luajtur me Ronaldon dhe të gjithë yjet e tjerë të dhomës së zhveshjes së “Los Blancos”.