Për shkak të grevës që do të zhvillojnë unionet e kontrollorëve të trafikut ajror në Itali, mësohet se pasagjerët që udhëtojnë më 11 janar nga Italia drejt Shqipërisë dhe anasjelltas, mund të përballen me vonesa në disa aeroporte të Italisë.
Lajmin e ka përcjellë Autoriteti i Aviacionit Civil, përmes një njoftimi zyrtar, sipas të cilit pritet të ketë vonesa dhe anulime fluturimesh nga ora 13:00 deri në 17:00.
AAC u bën thirrje të gjithë pasagjerëve që kanë rezervuar për të udhëtuar të premten, që të kontaktojnë me agjencitë ku kanë blerë biletën dhe kompaninë ajrore, për t’u njohur me situatën në mënyrë që të shmangin pritjet e gjata.
