Shqipëria ka humbur shumë nga viti i mbrapsht i 1997-s, ndërsa ajo që ka ndikuar negativisht është imazhi i përcjellë në sferën ndërkombëtare. Duket se pasqyra e asaj kohe po mban larg shqiptarët nga ëndrra evropiane, pasi imazhi i trazirave shoqërohet me faturën e mosbesimit në arenën ndërkombëtare.
Gazetarja Erisa Zyka ka deklaruar se nëse nuk do të kishte ndodhur viti 1997, Shqipëria do të ishte anëtarësuar në BE, duke qenë një ndër 10 vendet anëtare të Europës Qendrore dhe Lindore.
“Ekspertë dhe zyrtarë të Komisionit Evropian kanë konstatuar se në 1996 kemi qenë në prag të anëtarësimit, por 1997 përmbysi gjithçka dhe sot jemi këtu ku jemi”, tha ajo.
“Zyka, e cila punon si korrespondente në Bruksel për Tv Klan dhe Abcneës, tha se Komisioni Europian është shprehur i gatshëm që do të ketë një rekomandim pozitiv për hapjen e negociatave, por kjo nuk do të thotë se ky është vendimi përfundimtar, pasi do të ketë një shprehje nga çdo vend anëtar i BE-së”-shkruan Syri.net.
Duke komentuar afatin e anëtarësimit në 2025 për në Bashkimin Evropian , Zyka tha se gjithçka do të përllogaritet në varësi të përmbushjes së detyrimeve të vendeve të Ballkanit Perëndimor.
“Nëse ka shtete që mund të jenë gati, atëherë mund të anëtarësohen deri në 2025. P.sh Serbia ka probleme me njohjen e Kosovës dhe referuar asaj çka deklarohet vendet duhet të zgjidhin problemet që kanë me fqinjët përpara se të anëtarësohen në BE”-u shpreh Zyka.
