Pas fotos së saj që mori komente nga më të ndryshmet, deputetja e Partisë VAKAT në Kosovë Dude Balje, ka reaguar teksa ishte pjesë e panelit të të ftuarve dje ne Top Show, lidhur me veshjen në Kuvend.
Sipas saj ka paragjykime, “Pse më paragjykojnë duke më thënë: Deputetja që vishet seksi, që provokon…”.
Ndërkohë që foton e saj, që se fundi nuk kaloi pa marre vëmendjen e medias, ajo e komentoi kështu:
“Këtu është veç perceptimi i medias, këtu ka qenë pamje e medias, ata janë me larg, në ballkon dhe gjithmonë bëjnë lajme kur nuk ka diçka interesante brenda Parlamentit, aty ka qenë vetëm 5 minuta seance. Unë vishem ndoshta pak me liberale se të tjerët brenda Parlamentit por unë vishem si e ndiej. Varet si e definon provokuesen. Edhe në Kosove kemi kod dhe e respektoj, por unë jam me simpatike për median dhe jam gjithmonë në media dhe ata bëjnë lajm. Unë punoj një pune shumë serioze dhe jam shumë e suksesshme. Për mua, unë vesh atë që ndiej mirë se nëse je e bukur mund te jesh edhe produktiv edhe pozitiv edhe mund të bësh më shumë punë gjatë ditës. Veshja është mënyra e jetës. Unë jam lind me rrobaqepës dhe për mua s’mund ta ndryshoj vetën se jam deputete, thjesht bej një balancë për çka kam nevojë në stilin tim të veshjes”.
