Giani De Biasi, ish-trajneri i Kombëtares së Shqipërisë ka komentuar Kupën e Botës për mediat italiane dhe ka dhënë disa mendime se kush është favorit. Por si gjithmonë ai nuk ka harruar ta lidhë me Shqipërinë, pasi u shpreh se nëse Argjentina dëshiron të fitojë Botërorin duhet të sillet në fushë si Shqipëria ime.
Favoritët e Botërorit – Unë mendoj se tre janë pretendentët. Brazili, Gjermani, gjithashtu edhe Spanja, pavarësisht ndodhive të fundit. Janë kombëtaret më të kompletuara.
Botëror pa surpriza? – Jo, mendoj se edhe Franca e Belgjika mund të jenë surpriza. Veçanërisht Belgjika, e cila nëse do të rregullojë problemet e viteve të fundit, do i hapë punë çdo ekipi.
Europiani i fundit – Unë mendoj se bazë mbeten njerëzit. Mes Italisë dhe Shqipërisë kishte ndryshime të mëdha, dhe rezultatet e shfaqnin këtë gjë. Unë jam krenar për atë që kam bërë tek Shqipëria, dhe them se nëse Argjentina sillet si një ekip kompakt këtë edicion, mund të shpallet fituese.
E ardhmja – Do më pëlqente të kthehesha të isha trajner. Për momentin ka diçka që po zihet. Ku? Duhet të prisni sa të përfundojë Botërori. Ajo kombëtare gjendet në Rusi..
