Në një lidhje LIVE, ish-lojtari i Interit, Xhiuzepe Bergomi ka zbuluar se edhe ai kishte rezultuar pozitiv me COVID-19.
Ai ka rrëfyer se kishte dalë pozitiv në fillim të muajit mars, ku ka pasur probleme me nuhatjen dhe dhimbje të vazhdueshme me shpinën.
Në fillim, Xhiuzepe Bergomi kishte dyshuar se ishte me grip, ndërsa gjithmonë kishte ftohtë. Fatmirësisht ai ndodhet në gjendje të mirë shëndetësore.
“Bëra testin dhe isha pozitiv me koronavirus. Në fillim të marsit unë isha sëmurë, kam pasur probleme me nuhatjen dhe shpinën, por jo me mushkëritë e mia.
Nuk kisha frikë, por gjithmonë kisha ftohtë, më duhet të përdorja dy ngrohëse. Në fillim mendova se ishte grip, por më pas zbulova se isha me koronavirus. Shokët më tallnin dhe më thanë se unë mendoja shumë për këtë, por e ndjeja që nuk isha mirë, kisha dhimbje dhe isha i dobët fare.
Nuk mund të ulesha dot për shkak të dhimbjeve në shpinë. Pas një kohe, dhimbja mu largua, por gjithçka zgjati 20-25 ditë. Tani çdo gjë ka kaluar dhe unë jam mirë, madje kam nisur vrapin. Unë isha budalla, pasi e nënvlerësova gjithçka”, u shpreh Bergomi.
