21-vjeçari Aldi Rama i cili vrau nënkomisarin Saimir Hoxha në Lezhë dhe më pas veten, do të varroset nesër në Durrës. Bëhet me dije se trupi i pajetë i Aldi Ramës është tërhequr nga morgu në Tiranë. Për ceremoninë mortore do të kujdeset e ëma.
Aldi Rama jetonte në Lezhë me gjyshin e tij, pasi prindërit ishin divorcuar. I riu qëlloi veten me pistoletë në fyt në lagunën e Kune-Vainit gjatë operacionit të RENEA-s për arrestimin e tij, pas vrasjes së efektivit të policisë.
Aldi Rama, i rritur nga gjyshërit, pasi prindërit i kishte të divorcuar, ishte me precedentë të mëparshëm penalë. Në moshën 18-vjeçare kishte përfunduar në burg, pasi ishte akuzuar për vjedhje dhe posedim kanabisi, ndërkohë që ishte kallëzuar edhe nga e dashura e tij për dhunë fizike. Edhe në vitin 2020 ai është ndaluar sërish për mbajtje pa leje e armëve të ftohta.
