Gazetari Mustafa Nano ka komentuar deklaratën e tij se nëna e Skënderbeut është serbe, e cila shkaktoi bujë dhe reagime të shumta.
Madje, Nano tregoi se ka pasur edhe përplasje me një djalë, i cili kishte qenë gati ta godiste për këtë deklaratë.
“Një ditë më doli përpara në rrugë një djalë. Ishte i tërbuar që unë kisha thënë se nëna e Skënderbeut ishte serbe. Ishte gati të më godiste sepse i kishte dhembur pse i ishte njollosur imazhi nacional i Skënderbeut. Sepse për atë në qoftë se nëna e Skënderbeut ishte serbe, i njollosej imazhi i heroit tonë kombëtar. Me sa kuptova kishte dy rrugë ose të më qëllonte mua ose të ikte. Iku. Në shkencë nuk ka tërbim si disa shkencëtar që më thanë si guxon ky që e thotë këtë. Ky nuk është shkencëtar, ky është militant. Nuk dëmtohet figura e Skënderbeut se nëna e tij ka qenë serbe”, shtoi Nano.
Më tej, në intervistën e tij në emisionin “Debati në Channel One”, Nano u ndal edhe tek marrëdhënia delikate mes shqiptarëve dhe serbëve. Moderatori bëri me dije se ka bërë analizën e ADN-së dhe ka rezultuar autokton shqiptar.
“Ne kemi me qindra vjet që jetojmë me serbët në kufi. Po aq me grekët. Dhe nuk asnjë lloj diskutimi që në kufirin shqiptaro-grek shqiptarët dhe grekët kanë dhënë dhe kanë marrë. Kanë bërë edhe biznese të përbashkët. E njëjta gjë është edhe në kufi me Serbinë. Unë kam bërë analizën e AND-së dhe kam dalë autokton shqiptar. Por po të kisha dalë serb, çfarë do bëje ti Landi, do më nxirrje nga studio? Nuk duhet të themi se faji në marrëdhëniet me serbët është vetëm i atyre. Gjatë perandorisë otomane të kur donin të luftonin në Ballkan të shtypnin ndonjë popull mobilizonin shqiptarët. Shqiptarët janë rreshtuar me otomanët në kohën kur bëhej revolucioni serb. Si mendon ti Landi që serbët janë të dhunshëm dhe ne jemi të padhunshëm?”, tha ai.
