Ministri për Evropën dhe Punët e Jashtme ka komentuar deklaratën e djeshme të Presidentit të Republikës, i cili gjatë një interviste dje tha se do të pres Gjykatën Kushtetuese për të marrëveshjen me Greqinë.
Në fjalën e tij, ministri Bushati iu përgjigj interesit të medias, ku sqaroi edhe qëndrimin e tij në lidhje me “përplasjet” me presidentin Ilir Meta. Ai deklaroi se tashmë autorizimin e ka marrë nga i pari i shtetit shqiptar, ku shtoi se procesi i negociatave është në proces me Greqinë, ndërsa raporti i plotë tha do të “skanohet” sërish nga presidneti.
“Ne jemi në negocim për një paketë me Greqinë, besoj se është i njohur për publikun kjo çështje. Zgjidhja do të jetë në përputhej me të drejtat ndërkombëtare dhe ligjore. E kam thënë, dhe i mbetem i prerë, presidenti ka dhënë autorizimin. Negociatat vijojnë, deri në përfundimin e negociatave, ne jemi një ekip bashkë me presidentin e Republikës. Puna do të shkojë në presidencë dhe më pas do jetë ai që do të shikojë se si është ndjekur plani i autorizimit. Pikëpamjet e ndryshme kam fuqinë institucionale për të drejtuar në rrugë institucionale. Më habit që presidenti ka ndryshuar qëndrim, por kush jam unë që ta gjykoj të parin e shtetit”tha Bushati.
