Anëtarja e kryesisë së Partisë Demokratike, Grida Duma së fundmi ka deklaruar se kryeministri Edi Rama nuk duhet të jetë euforik gjatë takimeve me palën gjermane.
“Asnjë kryeministër s’mund të flasë përgjithshëm pas takimeve të tilla dhe asnjë kryeministër s’duhet të jetë euforik kur Shqipëria diskutohet edhe pas Maqedonisë për hapjen e negociatave”, theksoi ajo në TVSH.
“Në ato takime në të cilat edhe me senatorë amerikanë, së pari palët qartësojnë pozicionet e tyre. Nuk ka dyshim që pala ndërkombëtare thekson sistemin. Situata në Shqipëri është sui generis. Ka pasur pa diskutim brenda korridoreve të PD, sinjale shumë pozitive nga CDU, nga kancelarja Merkel. Kam përshtypjen që është një nga personalitetet më racionalë. Në raport me vendimet e saj ka suprimuar me racionalizëm. Ka një pozitivitet të shtuar nga pala gjermane për të zgjidhur krizën. Raporti i OSBE-së nuk duhet përjashtuar. Raporti është një përfaqësi shumëkombëshe. Unë nuk besoj që ka dot fuqi klasa politike shqiptare në tërësi, pa ndërhyrjen absolute të faktorit strategjik amerikan. Ne tentuam të bëjmë vettingun politik. Pala amerikane është ajo që do të bëjë të mundur luftën ndaj krimit në politikë”, shtoi Duma.
