Kryeministri Edi Rama deklaroi se Shqipëria i ka përmbushur detyrat e saj në lidhje me hapjen e negociatave me Bashkimin Europian.
Gjatë konferencës së përbashkët për shtyp me ministrin gjerman për Europën Michaek Roth, kreu i qeverisë u pyet nga gazetarët nëse Shqipëria do të ndahej apo do të mbahej ”peng”, nga ngërçi midis Maqedonisë së Veriut dhe Bullgarisë.
Rama u shpreh se reformat në Shqipëri realizohen për të përpirësuar jetën e shqiptarëve, jo vetëm sepse kërkohen nga Brukseli dhe Bashkimin Europian. Ndër të tjera, Rama tha se edhe nëse Shqipërisë nuk i hapen negociatat edhe kësaj rradhe, qeveria shqiptare do të vijojë punën që ka nisur me reformat.
Edi Rama: ”Na u tha që dera do të hapet. Besoj se ky është një proces që lidhet me ne, me vendin tonë me fëmijët tanë dhe ne nuk i bëjmë reformat, nuk i bëjmë përpjekjet pse na i kërkojnë në Paris, Berlin apo Bruksel. I bëjmë se na i kërkojnë shqiptarët. Në funksion të procesit do të arrijmë që t’i japim fëmijët tanë një shtet që funksionon si cdo shtet anëtar i BE. Kështu që ndahet bashkohet me njëri me tjetrin, kjo nuk është cështja jonë. Është e Këshillit Europian. Ne e kemi bërë punën tonë, do vazhdojmë ta bëjmë, i thashë dhe ministrit, ne jemi De facto në disa aspekte të procesit.
Kjo nuk do të thotë asgjë tjetër vec se ne po bëjmë detyrën dhe do ta bëjmë më mirë detyrën. Për mua sfida është si ta rrisim kërkesën ndaj vetes. Nëse nuk do vijë ne do të vazhdojmë të bëjmë punën. Përmbajtja e procesit është dicka që nuk ka pengon askush që ta pasurojmë. Ne punojmë me miqtë gjermanë, reforma në drejtësi nuk do të ndalojë. E tha ministri po e dimë vetë, ky është fillimi i një rrugë të gjatë. Ne nuk po kërkojmë të jemi pjesë e BE, po kërkojmë atë që na takon, të gjithë e dimë që na takon, është çështje kohe.”
