residenti i Turqisë, Recep Tayyip Erdoğan, ka zhvilluar bisedë telefonike me presidentin e Palestinës, Mahmud Abbas, transmeton Anadolu Agency (AA).
Burimet presidenciale njoftuan se Abbas ka telefonuar presidentin turk Erdoğan dhe se dy liderët kanë biseduar në lidhje me zhvillimet në Rripin e Gazës.
Gjatë bisedës telefonike, Erdoğan ka shprehur mbështetjen e Turqisë për kauzën palestineze.
Ndryshe, shtatë palestinezë ranë dëshmorë dhe një ushtar izraelit u vra të dielën pas përleshjeve që shpërthyen pasi grupet palestineze të rezistencës vërejtën një grup ushtarësh izraelitë me veturë civile të cilët kishin hyrë tre kilometra në Gaza.
Një ditë pas incidentit, një ushtar izraelit u plagos nga një sulm me raketa i grupeve palestineze të rezistencës, mes të cilave ndodheshin edhe Hamasi dhe Xhihadi Islam. Grupet palestineze njoftuan se ky sulm, gjatë të cilit u qëllua një autobus, është ndërmarrë në shenjë hakmarrjeje për dëshmorët e rënë të dielën.
Pas këtij zhvillimi, Izraeli nisi një sulm ajror, ndërsa grupet palstineze u kundërpërgjigjën me raketa.
Shtatë palestinezë të tjerë ranë dëshmorë dhe 25 u plagosën si pasojë e sulmeve izraelite në Rripin e bllokuar të Gazës nga mbrëmja e së hënës, ndërsa një person vdiq në anën izraelite.
