Temperaturat janë në favorin tonë, e ndërsa mundësitë për shira janë të pakta. Nga reshjet intesive të ditëve të fundit, tashmë plazhistët mund të bëjnë plane për të marrë rreze dielli. Sipas Meteoalb, vendi ynë do të karakterizohet nga një mot i kthjellët, përjashtuar orët e pasdites, ku shfaqen vranësira në zonat veriore dhe në kufirin lindor.
Temperaturat e ajrit rriten lehtë në orët e para të ditës deri në mesditë, duke shënuar maksimumin 34-35 gradë Celsius. Era do të fryjë mesatare me një shpejtësi 25 km/h në drejtimin perëndimor, duke bërë që në brigjet e Adriatikut dhe Jonit të gjenerohet dallgëzimi 1 ballë.
