Një valë urrejtje ka shpërthyer në rrjetet sociale, pas kalimit nga transmetimet analoge në dixhitale, në dy prej qarqeve më të mëdha të vendit, Tiranë dhe Durrës.
Qytetarët e cilësojnë si vjedhje, e për këtë nuk kanë nguruar që të hedhin akuza ndaj qeverisë.
Kjo reflektohet qartë edhe në faqen zyrtare të kryeministrit Rama, ku njerëzit e tallin rëndë.
Pas ndërprerjes së transmetimeve televizive në formatin analog në zonën Tiranë- Durrës, dhe kalimi i tyre vetëm në sinjalin digital, qytetarët janë gjendur të papërgatitur.
Ata janë turrur për të blerë dekodera, pasi nuk mund të shohin asnjë kanal në analog.
Ndryshe nga herët e tjera, Rama ka zgjedhur që mos t’i kthehet ndjekësve, duke i lënë që ata të shpërthenin vrer ndaj tij.
