Procesi i votimit në qarkun e Elbasanit ka një ecuri të qetë deri më tani. Po dhe në këtë qark ka pasur incidente. Elbasani është një qytet ku përplasen fortë emra me peshë të politikës shqiptare. Taulant Balla, Monika Kryemadhi dhe Edmond Spaho gjatë gjithë fushatës kanë heshtur akuza të forta ndaj njëri tjetrit. Ndaj ishte e pritshme që situata të ishte e nxehtë. Vetë kryeprokurori Adriatik Llalla vizitoi prokurorinë e Elbasanit gjatë mesditës së sotme.
Ja disa nga parregullsitë dhe incidentet e sotme në Elbasan
- Kryetari i KZAZ nr. 52, në Librazhd së bashku me një anëtar të KZAZ janë konfliktuar ndërmjet tyre dhe është kërkuar ndërhyrja e policisë. Shtetasja Valbona Balla ka bërë kallëzim, së në ambientet e KZAZ Librazhd, është konfliktuar me anëtarin e KZAZ shtetasin Iridion Bahiti. Po vazhdojnë veprimet proceduriale për dokumentimin ligjor të ngjarjes. (pritet informacion)
- Jashtë QV. 2345, është rrëshqitur komisoneri Arben Kercyku, i cili ka qenë në gjendje të dehur. U shoqërua në spital, nuk ka lidhje me procesin e votimit.
- Në fshatin Shalëz, në orën 12:50, jemi njoftuar se në QV nr. 2590, është kërcënuar nënkryetarja e KZAZ nr. 46, shtetasja Mirela Muca. Pasi i është marrë kallëzim shtetases, janë kryer veprimet e para dhe është identifikuar autori, i cili rezulton të jetë shtetasi Ylli Perisnaka, banor i fshatit Shalëz. Shtetasi Ylli Perisnaka është njoftuar dhe është paraqitur në komisariat për të dhënë shpjegimet.
