Presidenti rus Vladimir Putin ka paralajmëruar prere se Rusia do të përgjigjet me sulme. Sipas tij, nëse raketat e reja bërthamore të SHBA do të vendosen në Evropë, Rusia do reagojë.
Putin tha se çdo vend evropian që strehon raketa amerikane do të ishte në rrezik për sulmet ruse.
NATO ka thënë se nuk ka gjasa të vendosë më shumë armë bërthamore në Evropë. Sipas saj, edhe nëse traktati i kontrollit të armëve midis Uashingtonit dhe Moskës do të shembet.
SHBA thotë se Rusia ka shkelur traktatin e Forcave Bërthamore të Mesme Intermediate të vitit 1987 (INF) dhe planifikon të tërhiqet.
Sekretari i Përgjithshëm i NATO-s Jens Stoltenberg u pajtua se Rusia ndoshta kishte shkelur marrëveshjen. Ai tha se NATO nuk kërkoi konfrontime, por ishte gati për të mbrojtur të gjithë aleatët kundër çdo kërcënimi.
Putin tha se ishte “shumë e rrezikshme” për të çmontuar një sistem global të kontrollit të armëve. Ai në fjalën e tij ka thënë: “Nuk do të kishte mbetur asgjë përveç garës së armëve”.
Përgjigjja e Rusisë do të ishte “shumë e shpejtë dhe efektive”, tha ai.
“Nëse SHBA do përfundojnë duke u larguar nga traktati i INF, atëherë pyetja më e rëndësishme është se çfarë do të bëjnë ata me raketat që do të rishfaqen përsëri?!”, tha ai. Presidenti ruse e ngriti këtë pyetje në një konferencë për shtyp pas bisedimeve me kryeministrin italian Giuseppe Conte.
“Nëse ato vendosen në Evropë, atëherë natyrisht do të duhet të ndryshojmë strategji. Vendet evropiane që bien dakord për këtë duhet të kuptojnë se ata do të nënshtrojnë territorin e tyre në kërcënimin e një hakmarrjeje të mundshme”- tha ai./TIRANA TODAY/
